Qazaqstan Respýblıkasy Úkimetiniń qaýlysy  №432

2015 jylǵy 12 maýsym, Astana, Úkimet Úıi Qazaqstan Respýblıkasy Úkimetiniń «Shekara belgileriniń nysandaryn, kólemderin, sıpattamasyn, konstrýksııasyn jáne olardy ornatý qaǵıdalaryn bekitý týraly» 2013 jylǵy 8 qarashadaǵy №1181 jáne «Shekaralyq beldeýge kirýge jáne onda bolýǵa ruqsattamalar berý qaǵıdalaryn bekitý týraly» 2013 jylǵy 29 qarashadaǵy № 1275 qaýlylaryna ózgerister engizý týraly Qazaqstan Respýblıkasynyń Úkimeti qaýly etedi: 1. Qazaqstan Respýblıkasy Úkimetiniń keıbir sheshimderine mynadaı ózgerister engizilsin: 1) «Shekara belgileriniń nysandaryn, kólemderin, sıpattamasyn, konstrýksııasyn jáne olardy ornatý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 8 qarashadaǵy №1181 qaýlysyna: kórsetilgen qaýlymen bekitilgen shekara belgileriniń nysandarynda, kólemderinde, sıpattamasynda, konstrýksııasynda: 2-bóliminiń taqyryby mynadaı redaksııada jazylsyn: «2. Negizgi shekara belgileri»; 3-bóliminiń taqyryby mynadaı redaksııada jazylsyn: «3. Aralyq shekara belgileri»; kórsetilgen qaýlymen bekitilgen Shekara belgilerin ornatý qaǵıdalarynda: 15-tarmaq mynadaı redaksııada jazylsyn: «15. Memlekettik shekaranyń ózen ýchaskesindegi negizgi shekara belgileri nemese qurǵaı bastaǵan (qurǵaq) arnalar, ózekter nemese shuqanaqtar tabany boıynsha ótetin Memlekettik shekarany belgileý kezinde Memlekettik shekara syzyǵyna perpendıkýlıar syzyqta bir-birine qarama-qarsy shekaralyq ózenderdiń (bulaqtardyń) qarama-qarsy jaǵalaýlarynda (araldarynda) ne bolmasa onyń burylysy buryshynyń bıssektrısasynda ornatylatyn eki negizgi shekara baǵanasynan turady jáne negizgi shekara baǵanalaryn qosatyn syzyqtardyń jáne shekara ózeniniń (bulaǵynyń) negizgi salasy nemese arnasynyń ortasy syzyqtarynyń qıylysýynda ornalasqan negizgi shekara belgisiniń ortalyǵy bolyp tabylatyn núkteniń ornalasý ornyn aıqyndaıdy.».; 2) «Shekaralyq beldeýge kirýge jáne onda bolýǵa ruqsattamalar berý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 29 qarashadaǵy №1275 qaýlysyna (Qazaqstan Respýblıkasynyń PÚAJ-y, 2013 j., № 68, 909-qujat): kórsetilgen qaýlymen bekitilgen Shekaralyq beldeýge kirýge jáne onda bolýǵa ruqsattamalar berý qaǵıdalaryna: 10-tarmaqtyń ekinshi bóligi mynadaı redaksııada jazylsyn: «Zańdy jáne jeke tulǵalardyń qoldanylý merzimi aıaqtalǵan ruqsattamany Shekara qyzmetiniń áskerı bólimine qaıtarmaýy olarǵa kelesi kúntizbelik jylǵa arnalǵan ruqsattamany berýden bas tartýǵa negizdeme bolyp tabylady.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.